Museum Cemento Rezolak Lasarteko IES Oriarte BHI Institutuko ikasleekin eta Jaime de los Ríos artistarekin egindako MuseumLAB hezkuntza proiektu berriaren emaitza aurkeztu du.
- Gaurtik aurrera, erakusketa txiki bat hartuko du museoak, eta bertan, proiektu-laborategiaren esperimentazio-fase guztiak erakutsiko dira. Fase horien azken emaitza artistaren eta ikasleen arteko hiru dimentsioko argi-eskulturekin osatutako ekintza kolektiboa izan da.
- Jaime de los Ríos New media artistak propio sortutako argazkiak eta piezak daude ikusgai.
Otsailaren 2an Lasarteko IES Oriarte BHI Institutuko ikasleekin eta MuseumLABen lehen edizio honetara gonbidaturiko Jaime de los Ríos artista sortzailearekin batera egindako MuseumLAB hezkuntza-programaren emaitza aurkeztuko da Heidelberg Materials-en esku dagoen Museum Cemento Rezolan.
Jardunbide artistikoa hezkuntzarekin lotzen duen eta museoa esperimentaziorako eta ikaskuntzarako espazio partekatu gisa bultzatzen duen gazteentzako programa da; «mugitzen ari den museoa».
2023ko urrian “Sepulka Komandoa” sortu zen, Lasarteko Institutuko DBHko 4. mailako curriculum-aniztasuneko ikasleekin batera. Laborategi horretan, ikerketa, zientzia eta artea konexio-sareak hausnartzeko eta sortzeko elkartzen dira, Jaime de los Ríos artistarekin batera; sareak gara, konexioak sortzen ditugu.
Erakusketan, ikasleek eta artistak ekintza kolektiboaren azken emaitza izan ziren esperimentazio-faseak azaltzen dituzte. Laser-gailuen bidez sortutako hiru dimentsioko argi-eskulturak. Gainera, ekintza horren argazkiak ere ikusgai daude, Jaime de los Rios artistak propio sortutako beste pieza batzuekin batera.
Museum Cemento Rezolak ostiral honetan aurkeztuko du ikasleekin egindako “komisionatu pedagogikoaren” lanaren emaitza. Jaime de los Ríosekin lankidetzan egin den sortze- eta lan-prozesua erakutsiko da.
MuseumLABen lehen edizio honek Komando Sepelja izeneko bere lehen argitalpena argitaratu du. Bertan, prozesuaren berri ematen da eta, gainera, erakusketa Lasarteko IES Oriarte BHI Institutura eramango da.
Museumlab-i buruz
MuseumLAb,Ondarebizia proiektuaren barruan dagoen epe luzerako proiektua da. Laborategi-programa horrek kultura-sektoreko hainbat eragilerekin konplizitateak eta lan-ildoak aktibatzen ditu.
MuseumLAbekin, museoa esperimentaziorako eta ikaskuntzarako espazio partekatu gisa indartzea eta aktibatzea du helburu museoak. Lengoaien eta jakintzen artean ikertzea bilatzen du, ondarearen eta artearen eremuan, eta prozesuan belaunaldi berriak inplikatzea.
Horretarako, museoa espazio konektore eta bitartekari gisa jartzen du. Hezkuntza artistikoaren potentzialean oinarritzen da pedagogia kritikoa garatzen laguntzeko eta ingurunearekin harremanetan jartzeko beste modu batzuk planteatzeko.
Artearen, zientziaren eta teknologiaren arteko elkarguneetatik abiatuta, proiektuak arte-hezkuntza pedagogia kritiko gisa sustatzen du, eta belaunaldi berriak prozesuan inplikatzen ditu.
