Hariak sortzen

ERAKUSKETARI BURUZ

Hariak sortzen belaunaldiak gurutzatzeko aukera bat da. Bidai bat proposatzen du Añorga auzoan zehar eta izan ginenarekin eta garenarekin lotzen gaitu. Sentimenduak, pentsamenduak, borondateak... gure egunetaraino hariak sortzen dituztenak. 

Urteroko bidai honetan, Amassorrain Ikastolako LH6ko ikasleak dira ekintza aurrera daramatenak Museoak lagunduta. Oraingo honetan ikasleen intereseko gai ezberdinak aukeratu, protagonista ezberdinak identifikatu eta elkar une zoragarriak burutu dira. 

Ikasturte oso batean zehar besteari entzuteak duen garrantziaz jabetu dira. Ikertu ondoren galdetegiak prestatu dituzte, auzokideak eta haien biziak ezagutzeko asmoarekin. Ahozko memoriaren trasmisioaren garrantziaz jabetuz eta ondarea balioan ipiniz. Amaitzeko, erakusketaren testuen sortzaile eta objektu adierazgarrien bilaketaren arduradun izan dira eta helburua bete dute: istorio hauek Añorgaren memoriaren parte dira dagoeneko!