Museoari buruz

Museum Cemento Rezola espazio paregabea da, 2000. urtean sortua Donostiako Añorga auzoan, zementua zer den, zer bilakaera izan duen eta material horrek azken mendean gizartearen garapenean izan duen garrantzia ezagutarazteko, bai eta gaur egun eta etorkizunean hiri jasangarriagoak sortzeko eman ditzakeen irtenbide berritzaileak ezagutzera emateko ere.

Una persona mirando a los paneles de una exposición temporal en el Museum Cemento Rezola

Argazkia: Fernando Alda

Eraikin berezia

Museoa oso leku berezian kokatzen da, 1935ean fabrikak langileen seme - alabentzat eraiki zuen eskola zaharrean. Izan ere, eraikina fabrikak bere ingurunearekin hasieratik duen konpromiso sozialaren sinboloa da.

1997an, erabilerarik gabe geratu ondoren, fabrikak Estudio Peña Gancheguiri (Luis Peña Ganchegui, Rocio Peña Azpilicueta eta Mario Sangalli Uggeri) bere birmoldaketa enkargatu zien museo bezala zuen funtzio berrira egokitzeko. Erabilera berri bat, baina helburu bera: inguruko jendearen artean ezagutza eta kultura zabaltzea.

Museoak erakusketa iraunkorra eta publiko guztientzako aldi baterako erakusketak uztartzen ditu. Etengabean, bisitariak ibilbide anitz bat egingo du, eta esperimentuen, pantaila interaktiboen eta ikus-entzunezkoen bidez, materialaren sorreratik egungo errealitatera, ekoizpen-prozesuaren bilakaerara eta aplikazioen aldakortasunera iritsiko da.

Ezagutu erakusketa iraunkorra

 

Museoko aldi baterako erakusketetan arkitektura, arte, ingeniaritza edo diseinu proiektu zoragarri eta harrigarriak izango dira ikusgai.

Ezagutu aldi baterako erakusketak

 

Museoak, halaber, tokiko ondare materiala eta immateriala kontserbatzea eta balioestea sustatzen du, ondare arloko sentsibilizaziorako eta hezkuntzarako baliabide aktibo gisa.

Museum Cemento Rezolak, gainera, gizarteko hainbat talderentzako jarduerak eskaintzen ditu, kulturarako sarbide unibertsala emateko helburuarekin.

Foto de una chica con síndrome down haciendo escultura

Niños con mujeres haciendo un taller en el museo cemento rezola

Non gaude
Añorga Hiribidea, 36
20018 Donostia
T 943 364 192
info@museumcementorezola.org

Ordutegia
Asteartetik larunbatera irekia, 10.00 - 14.00 

Itxita
Abuztuak 14-19
Astelehen, igande eta jaiegunetan                     

 

Doako sarrera

Ez galdu ezer

Museoari buruz